Ribeira Sacra remata agosto cun 85% de ocupación. Nos Hoteis de 4 e 3 estrela a ocupación chegou ao 92%, en Turismo Rural foi do 85% e nas Vivendas de Uso Turístico do 80%. Noutros aloxamentos houbo unha ocupación do 82%.

Con respecto ao 2023, a ocupación é 5 puntos máis baixa. Aínda así, o número de prazas ocupadas é considerablemente maior.

• Agosto 2023: 7673 prazas diarias ocupadas
• Agosto 2024: 8200 prazas diarias ocupadas

Para setembro as previsións son chegar ao 52,5% de ocupación repartida do seguinte modo:

• Hoteis 4 e 3*: 80%
• Turismo Rural: 41%
• Vivendas Turísticas e de Uso Turístico: 30%
• Outros alox. (albergues, pensións, campings, aptos, hoteis 2 e 1*): 59%

“As previsións atópanse, cos datos recollidos ata o de agora, uns 6 puntos por debaixo do o ano pasado nas mesas datas, pero o sector confía en acadar o 60 ou 65% de media se as condicións meteorolóxicas acompañan”, sinalan desde o Consorcio de Turismo da Ribeira Sacra.