Trátase dunha das 11 sesións organizadas en colaboración con Afundación en distintas localidades galegas para incrementar o coñecemento sobre o dano cerebral, unha discapacidade causada fundamentalmente por ictus e traumatismos cranioencefálicos coa que conviven máis de 35.000 persoas no noso país.

Ademais, a actividade insírese dentro da programación impulsada pola Federación no marco da conmemoración do Día Nacional do Dano Cerebral (26 de outubro) e do Día Mundial do Ictus (29 de outubro).