Dous obradoiros interxeracionais, que son unha novidade dentro do Programa Activa 2024-2025, desenvolveranse este Nadal no Centro Cívico de Monforte. Levan por título “Obradoiro interxeracional AV@S 3.0” e o “Obradoiro interxeracional de manualidades navideñas” e están dirixidos a avós/avoas e os seus netos/netas que estén empadronados no Concello de Monforte de Lemos.
O prazo de inscrición para ambos obradoiros será ata o 20 de decembro de 2024, e poderá formalizarse na Secretaría dos Servicios Sociais do Concello, ubicada no Centro Cívico do paseo do Malecón. Ambos obradoiros son gratuítos para as persoas participantes.
OBRADOIRO INTERXERACIONAL AV@S 3.0
Este obradoiro ten como obxectivo fortalecer os lazos entre os avós e avoas e os seus netos e netas ao tempo que contribúe á alfabetización dixital das persoas maiores aproveitando os coñecementos dos máis novos.
Levarase a cabo os días 23 e 26 de decembro de 2024 de 11:00-13:00h no baixo do Centro Cívico Social e está dirixido os avós/avoas e os seus netos/netas (de 8 a 16 anos) que sexan veciños e veciñas do Concello de Monforte de Lemos. Ofértanse 8 prazas dobres.
O taller está orientado a dotar ós maiores das competencias necesarias para un desenvolvemento básico nas inmensas posibilidades que ofrecen as novas tecnoloxías (móbil, correo electrónico, buscas en internet…), e ós rapaces e rapazas de 8 a 16 anos na adquisición de hábitos de responsabilidade e implicación en tarefas asumidas como propias así como favorecer relacións interxeracionais.
OBRADOIRO INTERXERACIONAL DE MANUALIDADES DE NADAL
Na mesma liña que no obradoiro anterior, o Concello tamén oferta un Obradoiro interxeracional de manualidades de Nadal que se desenvolverá o día 23 de decembro de 11:00 a 13:00h no 2º andar do Centro cívico social. Está dirixido tamén a avós e avoas e netos e netas con idades de 6 a 16 anos, que sexan veciños e veciñas do Concello de Monforte. Ofértanse 8 prazas dobres.
REQUISITOS DE INSCRICIÓN
Para inscribirse, as persoas interesadas deberán acudir á Secretaría dos Servizos Sociais onde cubrirán o modelo de solicitude achegando o documento de identidade. Ademais, deberán: Estar empadroados no Concello de Monforte, ter relación parentesco en 2º grao (avós/netos) e cumprir idade establecida para os/as menores; e no caso de participar no Obradoiro interxeracional Av@s 3.0 dispor de móbil con sistema Android.
