O Alcalde de Monforte, José Tomé Roca vén de asinar o pase á segunda actividade dun policía local Carlos Losada Díaz, que é natural de Monforte de Lemos e asinou tamén o reingreso doutro policía local que estaba en excedencia, Iván Pérez Nogueira, natural de O Carballiño.

Acompañado pola 1ª Tenente de Alcalde, Gloria Prada, e o Inspector xefe da Policía Local, Miguel Martínez, o Alcalde aproveitou tamén esta sinatura para desexarlle moita sorte no seu traballo ó servizo dos cidadáns de Monforte.