Este domingo, 5 de xaneiro, achegaranse ata Quiroga as Súas Maxestades os Reis Magos de Oriente. No programa desta visita está previsto achegarse, ás 17:00h, ata a casa consistorial onde se fará entrega dos premios aos gañadores do concurso de Poesía de Nadal convocado pola Biblioteca Municipal.
O recorrido da cabalgata comezará ás 18:00h e rematará no Auditorio Municipal, onde nenos e nenas terán tempo de falar con eles. Non faltará unha bolsa con caramelos para os nenos que se encargarán de entregar os paxes. Para rematar todos os nenos que o desexen estarán convidados a chocolate con churros no Albergue Municipal.
En Chantada, despois de visitar a DomuVi, a Cabalgata seguirá por Avenida de Lugo, Praza de Santa Ana, Catro Camiños e desde alí cara a Praza de Galicia pola Avenida de Monforte. Melchor, Gaspar e Baltasar recibirán aos nenos e nenas no Auditorio Municipal ao remate da Cabalgata. Se a climatoloxía non acompaña, suspenderase a Cabalgata e farase a recepción no Auditorio.
