O venres, día 7 de marzo, a educadora social Paula Santos, encargarase dun “círculo de benestar”. Entre as seis da tarde e as sete e media, o taller centrarase nas claves para o autocoidado.
O sábado, día 8 a xornada comezará co obradoiro de mandalas a cargo da creadora Johanna González entre as dez da mañá e as once e media. Este arte creativo aporta tranquilidade, relaxación e concentración axudando a calmar a mente, equilibrar as emocións e sentir paz interior e armonía.
Nesta xornada de doce a unha e media, haberá Danzas Meditativas coa instrutora de meditación Clara González, que ensinará a elevar a enerxía vital a través da danza, a música e a meditación.
Pola tarde, entre as catro e media e as cinco e media a instrutora de ioga e terapeuta craneosacral, Teresa Taboada encargarase do taller “Espazo corazón conecta contigo”. Pautas para conectar co corazón ampliando o seu espazo e a súa conexión a través do movemento e a quietude.
E para reducir o estrés, liberar tensións e mellorar o estado anímico o mellor é rir. De cinco e media a seis e media Risoterapia coa instrutora de mindfulness e risoterapia, Natalia Vázquez.
A xornada adicada á muller rematará coa celebración da VIII Cea da Sororidade. A xuntanza celebrarase no restaurante Chapakuña a partir das nove e media da noite.
Aquelas mulleres que desexen participar nalgunha destas actividades, ou en todas, xa poden pasar polas instalacións do CIM, na casa consistorial, a anotarse e no caso da cea a recoller as súas entradas.
