A iniciativa, tal e como explica a CEL, foi unha oportunidade única para coñecer como a intelixencia artificial, a visión por computador, a dixitalización e a automatización están a transformar o mundo da viticultura, mellorando a produtividade e a calidade dos viños, a través da intelixencia artificial e dos últimos avances en tecnoloxía.

Unha gran oportunidade para viticultores e adegueiros da Ribeira Sacra que asistiron á charla maxistral, “Detección temperá e enfermidades do viñedo mediante intelixencia artificial e visión por computador” de Javier Tardáguila Laso, Catedrático de Viticultura de Precisión da Universidade de La Rioja.

Intervirían tamén expertos na material como Miguel Tubio, director técnico do Grupo
Martin Códax, que abordou as “Oportunidades de aplicación da dixitalización e automatización na viticultura“; e Pablo Franco, director técnico da D.O Calificada Rioja que ofreceu a conferencia, “A Intelixencia Artificial ao servizo da D.O.”.

Gloria Prada, en representación do Alcalde, destacou o gran prestixio dos ponentes, “que visitan a cidade para poder compartir os seus coñecementos e experiencia no mundo do viño, convencida de que a innovación tamén en viticultura, é o futuro.