Nos días previos superouse a ocupación de 2024. Nos días centrais, a porcentaxe baixaba 5 puntos, aínda que o número de prazas turísticas crece ano tras ano.
Días centrais (17/04-21/04):
- Hoteis 3 e 4*: 83% / Ano 2024: 82% / Previsión: 81%
- Turismo rural: 86% / Ano 2024: 89% / Previsión: 82%
- Vivendas Turísticas e de Uso Turístico: 80 % / Ano 2024: 93% / Previsión: 84%
- Resto alox.: 77,5% / Ano 2024: 80% / Previsión: 78%
- TOTAL: 82% / Ano 2024: 87% / Previsións: 82%
Días previos (11/04-16/04):
- Hoteis 3 e 4*: 70% / Ano 2024: 74% / Previsión: 67 %
- Turismo rural: 80% / Ano 2024: 73% / Previsión: 78 %
- Vivendas Turísticas e de Uso Turístico: 62% / Ano 2024: 60% / Previsión: 60 %
- Resto alox.: 70% / Ano 2024: 61% / Previsión: 71 %
- TOTAL: 70,5% / Ano 2024: 67,5 % / Previsión: 70 %
A maior parte de aloxamentos melloraron as súas previsións, aínda que menos que outros anos. Ante a climatoloxía anunciada, si percibiron que o público estivo máis expectante este ano sobre as políticas de cancelación.
Houbo algunhas cancelacións puntuais, pero menos das agardadas, e algúns aloxamentos comentan que as cubriron con reservas de última hora para estadías curtas, aínda que recibiron menos solicitudes que outros anos xa ás portas dos días centrais.
“O sector, na súa meirande parte, amósase satisfeito e valora moi positivamente o número de persoas que apostaron por visitar Ribeira Sacra a pesares das adversidades e chegando a cifras moi semellantes ás de 2024”, destacan desde o Consorcio de Turismo.
