Este martes pola mañá o alumnado do CEIP A Gándara comezou a utlizar a reformada área do parque infantil. Tal e como recolle a memoria do proxecto, a vida útil do espazo que había, “estaba esgotada e resultaba necesaria unha reforma de calado tanto para repoñer os elementos de xogo, como para adaptar a superficie que ocupan, á normativa vixente”.
A solución proposta fixo necesaria facer obra civil para que o parque infantil cumprise coa normativa vixente e garanta a completa seguridade no seu uso. Dotouse de pavimento de caucho continuo de dúas capas, previa execución de solera de formigón de 12 cm de espesor. Ademais procedeuse á montaxe e instalación do equipamento previsto, que está composto por varios elementos que foron reubicados tras unha posta a punto: balancín de 4 prazas, balancín individual, pérgola, arenero e bancos e novos elementos que se instalaron como un tobogán, trepa mixta, dúas unidades de balancín de dúas prazas, unha trepa vertical, un xogo múltiple e unha casita de xogo XXL. Para rematar, instalouse un pavimento de céspede artificial na zona inmediata á pergola como zona de transición.
