O Concello de Chantada ten aberto prazo de inscrición ata o 6 de xuño para participar no Servizo Madrugadores no vindeiro curso 25-26. As inscricións poden facerse na casa consistorial en horario de 9:00h a 14:00h.
Hai 3 anos, o Concello de Chantada comezaba co Servizo de Madrugadores, que daquela se desenvolveu desde febreiro ata finais de curso, a modo de proba, coa participación dunha vintena de rapaces/as. Os dous anos seguintes xa se fixo o curso completo coa participación de case unha trintena de nenos en cada edición, o que demostra o éxito da actividade cunha tendencia progresiva á alza
“Abrimos agora inscricións para poder ter unha previsión de cantas familias demandan o servizo e que ningún neno/a se quede sen el. Ofrecemos a opción de acudir todos os días ou en días soltos. O noso obxectivo é facilitar a conciliación e que cada familia poida escoller a opción que máis lle conveña”, explica o alcalde do Concello de Chantada, Manuel Lorenzo Varela.
No caso das familias que utilizan o Servizo Madrugadores por primeira vez deben de aportar a seguinte documentación (para quen renova matrícula non é necesario aportar esta información):
- Fotocopia de DNI, NIE ou similar da nai, pai ou persoa que exerza a tutela.
- Fotocopia do libro de familia, resolución de acollemento ou equivalente.
- Fotocopia da tarxeta sanitaria ou documento equivalente da crianza.
- Certificado médico do/a neno/a, informando de alerxias, enfermedades que poidan incidir na prestación do servizo.
- De ser preciso, documentos que acrediten o dereito a bonificacións ou exencións.
- Certificado bancario do número de conta.
