Desde CCOO, sindicato coa representación do 100% do comité convocan esta folga ante a falta do acordo da mesa negociadora do convenio colectivo e “a irresponsabilidade da dirección cunha contra oferta salarial irrisoria e raquítica”.

Instan á dirección a reflexionar e retomar a mesa de negociación con seriedade, “Recomendámoslle á dirección de F.C.C. Monforte non seguir mareando a perdiz xa que esta actitude é impropia dunha empresa deste nivel e advírtelle á empresa, “que non teña a tentación de impoñer servizos mínimos abusivos xa que os recorreremos ao xulgado”.

Os puntos de acordo máis relevantes para o sindicato son os pluses de dispoñibilidade e nocturnidade, un plan de xubilación parcial para os traballadores veteranos que o solicitan, unha xornada máis de descanso ao mes (coincidindo en sábados) e a subida salarial do 3% para os últimos 4 anos e non só para o 2025.