Este martes, 22 de xullo, o Concello de Chantada pon en funcionamento de novo os semáforos que hai ao carón do Centro de Saúde, no cruce da Avda. de Monforte coa rúa Portomarín e coa Avda. dos Pilos.

Os semáforos funcionarán en horario de 9:00h a 22:00h, quedando en ambar ou intermitencia de 22:00h ata a mañá seguinte ás 9:00h

A nova sinalización lumínica cumpre con todos os requisitos de visibilidade e seguridade que marca a normativa. Para isto foi necesario cambiar o sistema de iluminación por luces led nas torres de interseccións e nos semáforos de peóns, o que dá maior visibilidade e reduce o consumo. Renovouse ademais toda a maquinaria do cadro de control e pintáronse as diferentes estruturas.

O alcalde de Chantada, Manuel Lorenzo Varela, chama á precaución coa posta en marcha dos semáforos, que levaban tempo parados para efectuar estas melloras, “Esta intersección soporta moito tráfico e era necesario tomar estas medidas que melloran a seguridade na zona, sobre todo ao contar con máis visibilidade, e ademais supoñen un maior aforro para o concello”.