O xoves, 7 de agosto, as adegas centenarias de Vilachá volven abrir as súas portas. Un acto que reunirá a sete adegas, que ademais de abrir as súas portas para ofrecer o seu viño, organizan distintas actividades, contarán con música en directo e diferentes propostas gastronómicas.

“O obxectivo desta proposta é dar un empuxón a adegas pequenas dentro da D.O. Ribeira Sacra que teñen un mínimo de produción e ser un escaparate para todas elas”, explica Puri Díaz da Adega Val do Frade, que convida a todo o mundo a participar dun día diferente, neste lugar tan característico.

O acto de presentación será as 12:00h á entrada da zona de adegas contando con diversas autoridades. As adegas abrirán en horario de 13.00h a 23:00h.