A chegada dos menores farase de modo progresivo, de maneira que nesta semana chegaron as 5 primeiras persoas ao edificio que a asociación Prodeme, cedeu no barrio do Malvarón.

Os mozos, duns 17 anos e na súa maioría procedentes de Marrocos, pasaron primeiro pola unidade de primeira acollida situada no municipio pontevedrés de Barro. Espérase que o resto dos menores vaian chegando de forma graduada a un centro xa en pleno funcionamento.

Despois do ataque con cócteles molotov que padeceu o edificio en setembro, foi obxecto dunha reforma para solucionar todos os danos materiais provocados. O remate das obras posibilita que as instalacións estean preparadas para dar servizo a estes menores.