Segundo os datos do Consorcio de Turismo da Ribeira Sacra para esta Ponte o destino conta cun 70% de prazas reservadas, “estaríamos a bater, un ano máis, outra marca de ocupación” aseguran.
A cifras confirman o bo momento do destino e o forte tirón do turismo de escapada nesta época do ano, especialmente nas fins de semana. O tipo de establecemento preferido para esta escapada son os hoteis de maior categoría e os de turismo rural.
Por outra banda remata novembro cun 35,7% de ocupación, con especial dinamismo nas fins de semana e consolidando unha tendencia de crecemento e batendo ano tras ano marcas de ocupación.
Ocupación por categoría de establecemento (novembro):
- Hoteis 4 e 3*: 62,40 %
- Turismo Rural: 23,89%
- Vivendas Turísticas e de Uso Turístico: 4,99%
- Outros aloxamentos (albergues, pensións, campings, apartamentos, hoteis 2 e 1*): 47,48%
Con todo, os datos de novembro, superan en 4 puntos as previsións dos responsables a finais de outubro. As fins de semana saldáronse cunha media de preto do 50% de ocupación, acadando unha media do 70% nos hoteis de maior categoría.
Decembro comeza con cifras semellantes a novembro. Nestes intres, atópanse reservadas preto do 31% das prazas (unhas 3.205 prazas diarias), novamente a cifra máis alta dende que existen rexistros.
