Uns trinta socios e socias acompañaron o pasado sábado 13 de decembro á directiva da Asociación de Empresarios de Chantada e CCA Ribeira Sacra na cea de Nadal celebrada no establecemento chantadino Os Pendellos.
No encontro gastronómico estiveron presentes concelleiros con representación no Concello de Chantada, o alcalde, Manuel Lorenzo Varela, e o xerente do GDR Miño-Ulla, Javier Rodríguez Medela.
O presidente da asociación, Iñaki Castiñeira, dedicou unhas palabras ao remate da cea amosando a súa satisfacción pola “boa saúde económica” da entidade. Afirmou que se remata o ano con superávit e salientou que neste 2025 fixéronse máis campaña ca nunca. Agradeceu ás administración a súa axuda para facelo posible e avanzou que, dado o éxito que tivo o pasado ano, o 5 de xaneiro de 2026 repetirase a actividade “Lévacho un Rei Mago”.
