O programa, que organiza e financia o Ministerio de Educación, ten como obxectivo sensibilizar e impartir formación sobre o obxectivo de desenvolvemento sostible 6 “Garantir a dispoñibilidade e a xestión sostible da auga e o saneamento para todos”, así como fomentar a interacción e establecer vínculos entre estudantes e profesores dos diferentes centros participantes.
Durante a semana coñeceron Caravaca de la Cruz, o santuario Virgen de la Esperanza, o xacemento do Cabezo Negro casco histórico da cidade de Murcia, o estadio do Real Murcia de Fútbol “Enrique Roca”, centro comercial Nueva Condomina, Salinas de San Pedro, Bahía de Portmán, Teatro Romano e Museo Nacional de Arqueoloxía Subacuatica na cidade de Cartagena, xacemento arqueolóxico de Medina Siyasa, a cova da Serreta, a ruta das norias de
Abarán, e puideron desfrutar da incipiente floración de albaricoqueiros, melocotoeiros e améndoos de Cieza.
Xa en Blanca, tivo lugar o acto de clausura no Teatro Victoria presidido polo alcalde de Blanca, Pablo Cano, e a Directora Xeral de Recursos Humanos, Planificación Educativa e Innovación da Consellería de Educación e Formación Profesional da Rexión de Murcia (CARM), Carmen Balsas. No acto, estudantes dos tres centros participantes presentaron os seus proxectos sobre as diferenzas hídricas e climáticas entre as distintas comunidades autónomas e o seu patrimonio cultural, que rematou nunha festa de confraternidade no instituto de Blanca.
Coñeceron o deserto de Mahoya e desfrutaron das augas termais de Fortuna. Foi unha experiencia intensa en convivencia e aprendizaxe que estamos seguros que ninguén dos que participaron esquecerán
IES A Pinguela en Murcia / IES A Pinguela
