Entre o 27 de marzo e o 6 de abril os establecementos consultados, e dos que se obtivo resposta polo Consorcio de Turismo Ribeira Sacra, estiman unha ocupación media do 63% nos días previos e de case o 80% nos días centrais da Semana Santa. Con todo, os datos sitúanse en cifras moi semellantes ás do pasado ano.
A ocupación prevista desagregada por tipoloxía queda do seguinte xeito:
Nos días previos: Hoteis 4 e 3*: 76 %, Turismo Rural: 55 %, Vivendas Turísticas e de Uso Turístico: 56,50 %. Outros aloxamentos (albergues, pensións, campings, aptos e hoteis de 2 e 1*): 64 %.
Nos días centrais: Hoteis 4 e 3*: 87%, Turismo Rural: 78 %, Vivendas Turísticas e de Uso Turístico: 79 %. Outros aloxamentos (albergues, pensións, campings, aptos e hoteis de 2 e 1*): 74 %.
En termos absolutos, estas porcentaxes tradúcense nunha previsión de arredor de 6.642 prazas diarias ocupadas nos días previos e de 8.434 prazas diarias ocupadas nos días centrais, sobre unha oferta, segundo o último REAT, de 10.543 prazas.
Cómpre sinalar, segundo informan do Consorcio, que este ano os datos solicitáronse con máis antelación ca en anos anteriores, polo que as cifras actuais deben entenderse como unha estimación inicial e que van na liña do pasado ano.
