O 9 de xaneiro pubícase no DOG nº5 da Xunta de Galicia o proxecto eólico Ferroedo que afecta aos concellos de Bóveda e O Saviñao. A raíz desta publicación varias persoas diríxense ao concello para interesarse por este tema e ver se as súas propiedades estaban afectadas sen facilitarlles datos para a súa comprobación. As persoas afectadas contactan con pacto fronte a eólicos para coñecer a lista de propiedades afectadas e o prazo para presentar alegacións.
Desde Pacto fronte Eólicos fálase de irregularidades administrativas e incumplimento entre outras da lei 1/2016 de transparencia y buen gobierno, lei 21/2013 de avaliación ambiental, lei 8/2009 de aproveitamento eólico de galicia, lei 39/2015 do procedemento admnnistrativo común. “Isto pode implicar, entre outros, defecto de publicidade efectiva, falta de transparencia para evitar o acceso aos veciños do concello ou a calquera interesado”, polo que anuncian que elevarán a denuncia ao Valedor do Pobo.
A asociación reclama ante Transparencia de Galicia a vulneración de dereito de información aos cidadáns “ao non ter proxecto, obra ou similar publicado (esposición pública e acceso a cartafol de transparencia) nin tan sequera as contas públicas, remanente e todo o relativo a orzamento público desde o ano 2023. Non hai ningunha información do ano 2024 nin 2025 , o que vulnera varias leis que son obxecto da denuncia/rcelamación ante a devandita entidade”. Pacto fronte eólicos insiste en que “a veciñanza é vitima de desinformación e indefensión en todo o relacionado con proxecto eólico Ferroedo”.
