Esta estrada, ademais de comunicar Bóveda con Martín, atravesa os núcleos de Regulce, O Val e Bustelo, que tamén se verán beneficiados.

Coa achega da Deputación executáronse diferentes traballos para mellorar as condicións da estrada e incrementar a seguridade dos usuarios que a empregan: limpeza de cunetas, mellora do firme con aglomerado en quente, renovación da sinalización vertical e repintado da horizontal.

A Deputación tamén achega 11.500 á LU-P-0907, que vai de Teilán ao límite provincial, e comunica as localidades de A Parrocha, Souto e Remesar. O treito que se vai reformar corresponde aos primeiros 350 metros da vía e as obras comezarán cando as condicións meteorolóxicas así o permitan.