O IES A Pinguela vén de dar remate á estancia en Italia co gallo do intercambio que o alumnado de 4º de ESO tivo co do ITE Mossotti de Novara. “Foi unha semana intensa de actividades, viaxes e visitas que nos permitiron coñecer a preciosa cidade de acollida e o seu centro histórico e achegarnos ata Turín co seu Museo do Cine, Milán e o deu Duomo, Stresa e o lago Maggiori e ás súas Illas Borromeas: Bella e dei Pescatori, así como tamén a Orta e o seu lago“, explican dende a Dirección do centro.
Así mesmo, toda a comunidade educativa que fixo a viaxe traslada o seu agradecemento pola acollida que lles brindaron nesas terras piamontesas. A estancia, explican, serviu “para crear lazos de amizade entre os alumnos e profesores monfortinos e novaresi e tamén para irmandar os respectivos institutos”.
