A poxa estivo organizada pola Asociación Nacional de Criadores de Gando Vacún Selecto de Raza Rubia Galega (Acruga) e complementouse coa instalación de postos de polbo, artesanía, plantas e sementes, todo amenizado con música en directo.

Do acto participou o director da Axencia Galega da Calidade Alimentaria da Consellería do Medio Rural, Martín Alemparte, que puxo en valor a riqueza gandeira de Galicia en xeral e a relevancia específica do sector de vacún de carne, que conta con dúas indicacións xeográficas protexidas (IXP), como son Ternera Gallega e Vaca Galega / Boi Galego, que amparan a calidade diferenciada destes produtos.