A exalumna de Humanidades Sandra Piñeiro Pedreira, premio extraordinario de Licenciatura en Historia e actualmente profesora da Universidade da Coruña, apadriñou a nova promoción. Ademais das intervencións clásicas houbo festa e unha nota de humor que puxo alumnado de 3º ESO Matías Absil, Gareth Vila, Rayan Jaadar e Leo Pascual.

As lembranzas deste percorrido de dous cursos puxéronas os alumnos e profesores participantes, pero tamén unha peza audiovisual con imaxes do seu paso polo instituto. Posteriormente, cada graduado recibiu a correspondente banda, orla e recordos da súa experiencia destes anos no centro monfortino. Guiaron o acto os alumnos de 1º de Bacharelato Araili Vásquez e Aarón Rodríguez.

Participou tamén cun emotivo discurso a súa profesora de Inglés, Cruz Maseda. O remate contou coa intervención do director do Instituto, Enrique Sampil, quen animou ao alumnado graduado a seguir formándose e a traballar no seu futuro. A graduación tivo continuidade cunha cea de confraternidade nun restaurante local. “Agora procede seguir a preparar as PAU nas que, estamos seguros, terán o mesmo éxito que ata agora. Moita sorte!!”, conclúen desde o centro.