O Concello de Monforte de Lemos participa un ano máis na campaña internacional “Quere o teu mercado”, unha iniciativa que promove a dinamización das praza de abastos e o apoio ao comercio de proximidade.

A celebración terá lugar este 30 de maio na Praza de Abastos de Monforte en horario de 12.00 e a 13.00 horas con degustacións de balde de produtos gastronómicos e entrega de agasallos e bolsas de tea co lema da devandita campaña.

A Praza de Abastos de Monforte, apunta o Alcalde, “é un exemplo de equilibrio entre tradición e modernidade, onde a profesionalidade de praceiros e praceiras contribúe a ofrecer un servizo de calidade á veciñanza”.