O certame organizado pola Biblioteca Pública Municipal Poeta Lois Pereiro e a Biblioteca Provincial de Lugo, enmárcase nas actividades conmemorativas do 17 de maio, Día das Letras Galegas, dedicado este ano á xornalista e escritora Begoña Caamaño (Vigo, 1964 – Santiago de Compostela, 2014). O obxectivo do concurso é impulsar e por en valor o uso da lingua galega e a defensa da nosa cultura, como sinal de identidade,  complementando outras actividades que se desenrolan dende a área de Cultura do Concello.

Como en edicións anteriores, desenvolveuse en dúas modalidades. Unha de Narracións, en galego, na que os participantes presentaron textos cunha extensión máxima de 1 folio por unha soa cara, e outra de Debuxos, feitos sobre papel ou cartolina tamaño DIN A4. A temática para ambos casos foi o lema “Medrar lendo”.

Os premiados levaron un diploma e unha bolsa con libros e xogos de mesa. A concelleira felicitou a todos os rapaces e rapazas pola calidade das obras presentadas, e animounos a que volvan a participar neste certame nas vindeiras edicións, resaltando a calidade dos traballos presentados una ano mais na defensa e posta en valor da nosa cultura.

PREMIOS CERTAME NARRACIÓN 2026

PREMIOS CERTAME DEBUXO 2026