O CCA Ribeira Sacra de Chantada organiza unha nova acción dinamizadora do comercio local propoñendo á veciñanza e visitantes que merquen no comercio local para despois gozar dunha chea de propostas de lecer na contorna das piscinas municipais e polas rúas da propia vila.
Os comercios asociados ofrecerán grandes descontos durante o horario habitual do venres 17 de xullo. Cos tikets de compra deste día ou dos días 15 e 16 poderán acceder a todas as actividades que están programadas.
AXENDA DE ACTIVIDADES
Durante a xornada haberá pasarrúas musical pola vila de 11:30 a 14:00 h pola mañá, e de 18:00 a 20:00 h. en horario de tarde. ç
E na contorna das piscinas municipais, en horario de 16:30 a 19:30 h, ofreceranse para a rapazada as seguintes actividades de lecer:
-Tobogán acuático.
-Festa da escuma.
-Música e ambientación.
-Photocall.
Dende o CCA Ribeira Sacra animan a mercar, aproveitando os descontos que aplicará ás compras o comercio asociado, e gozar desta completa xornada que fará moi felices ás pequenas e aos pequenos da casa.
