A cita que se celebrará este venres 31 de xullo e sábado 1 de agosto no Meigallo, en Sarria, presentábase esta mesma semana contando coa participación do vicepresidente da Deputación.

Efrén Castro destacou a importancia do Festival, “unha mostra máis do dinamismo e da enerxía da mocidade e do tecido asociativo e hosteleiro de Sarria, que enche a vila de actividade musical e cultural” e encadrou a colaboración co festival “no apoio que as áreas da Vicepresidencia ofrecen ao tecido asociativo, ao tempo que se impulsa a presenza de bandas galegas en festivais e citas musicais en todo o territorio”.

A Terraza do Meigallo contará cun espazo de venda de artesanía e merchandasing para recadar fondos para axuda directa a Gaza.