O director, Enrique Sampil, deu as gracias a todos os que lle fixeron chegar o seu recoñecemento e amizade, ó alumnado no que quixo enfocar directa ou indirectamente os esforzos do instituto, ós responsables das políticas educativas da Xunta de Galicia e ó persoal docente e non docente que nestes anos colaborou con seus distintos equipos directivos “en abrir portas ós alumnos que quixemos formar para que fosen cidadáns máis felices, máis sabios e cun mellor futuro, e tamén en facer un instituto mellor”.

O acto rematou cun xantar de confraternidade. En setembro comeza o curso cunha nova dirección, “comprometida e capaz, á que felicitamos polo seu compromiso en tentar de facer un centro aínda mellor”, apuntan desde o centro de ensino.