A comitiva oficial encabezada polo Alcalde e formada polo Equipo de Goberno, membros da Corporación Municipal, así como por representantes dos Corpos e Forzas de Seguridade do Estado e outras autoridades, partiu ás 10.30 horas desde a Praza do Concello, como é tradición, para dirixirse á igrexa de San Vicente do Pino acompañada polo Grupo de Gaitas da Escola Municipal de Monforte de Lemos.
Na igrexa de San Vicente do Pino, e tras a recepción da comitiva polo párroco D. Rafael, deu comezo a Eucaristía na honra da Virxe de Montserrat, que foi cantada pola Coral Polifónica do Concello de Monforte. Despos tivo lugar a tradicional procesión e ofrenda floral á Virxe de Montserrat.
DÍA DO GAITEIRO E AXENDA PARA REMATAR O DÍA GRANDE
Nesta xornada do 15 de agosto celébrase tamén o tradicional Día do Gaiteiro con alboradas que sairon da Praza España e percorreron diferentes rúas da cidade. Este ano participaron Redegaita, Lemavos 1, O Cego da Veneira, Gaiteiros de Lemos, Os Triskeles, Os Xograres, Merenzao e Lemavos 2, con pasarrúas pola cidade desde as 11.30 horas. Pola tarde, ás 20.30 horas, terá lugar na Praza de España a Mostra de Danza e Música Tradicional.
E xa pola noite, concertos e fogos artificiais para rematar o sábado por todo o alto. Na praza da Compañía actuarán ás 22:30 h a banda de Rock monfortina Doc Magoo’s, ás 00:30 WALLS e ás 2:00 da madrugada o grupo indie, tamén monfortino, Malenne.
Os Fogos Artificiais dende San Vicente están programados para as 00:00 horas.
