O ciclo de concertos que ten por obxectivo poñer en valor o talento local e levar a música en directo a diferentes espazos da cidade. Despois das actuacións da semana pasada cos grupos SEGUNDA PARTE, ROCKIN’KB, NECTARINE SOUL, GALGA BLUES BAND e BELLA CHAOS, a música en directo regresou esta semana.
Despois do concerto deste martes na Praza da Estación, este mércores 26 de agosto, actuarán na Praza da Compañía, Deuce, ás 22:30 horas, e Los Jinetes del Trópico, ás 00:00 horas. E este xoves péchase o ciclo na Praza de España coas actuacións de 7 Rojo ás 22:30 e ás 00:00 El Mundo de Sofía Band.
O alcalde, José Tomé, que asistiu a todas as actuacións acompañado doutros membros do Equipo de Goberno, “Queremos que os grupos monfortinos sexan os protagonistas e que a veciñanza teña a oportunidade de descubrir e desfrutar da música que se fai na nosa propia cidade”, indica. Deste xeito, a programación funciona como un punto de encontro entre os músicos locais e a veciñanza, ao tempo que contribúe a dinamizar a actividade cultural de Monforte.
