As obras que se fan con cargo á Consellería de Presidencia, Administracións Públicas e Xustiza, supoñen, por unha banda, mellorar a climatización da Casa Consistorial con 64.000 euros e mellorar o centro sociocultural para evitar humidades, o que supón un investimento de 10.000 euros.

Dende o ano 2009, Bóveda recibiu da Xunta, preto de 240.000 euros que destinou á dotación de equipamento para zonas verdes, melloras no saneamento, pavimentación de camiños ou obras de mellora de eficiencia enerxética.

Desde Vicepresidencia aseguran que estas axudas permiten levar a cabo actuacións que doutro xeito serían moi difíciles de executar polos concellos e informan de que nos orzamentos para 2019 se incrementan as liñas de axudas para infraestruturas nun 30%.