EFE- Axentes de Tráfico desprazáronse a pasada semana ao punto quilométrico 552 da estrada Nacional 120, ao seu paso polo municipio de Monforte ao recibir aviso de que un condutor francés estaba visiblemente desorientado.

Os axentes convencérono para trasladarse ao Hospital Comarcal de Monforte de Lemos, onde os médicos, ao ver o seu estado decretaron o seu ingreso. O vehículo no que viaxaba foi trasladado ao cuartel de Monforte de Lemos, onde quedou baixo custodia.

Cando o condutor recibiu a alta hospitalaria, ao día seguinte, déuselle indicación expresa de non poñerse ao volante. Os axentes xestionáronlle aloxamento nun hotel da localidade, realizaron xestións para localizar á súa familia e coordinaron a contratación dun servizo de guindastre para remolcar o seu vehículo ata Limoges.