A uns días da Semana Santa, a previsión de ocupación hoteleira nos días centrais é do 97%. O pasado ano a estas alturas, a previsión era do 89% e no 2017, do 80%. No resto de días da Semana Santa a previsión é do 77%, no 2018 fora do 89% e no 2017 do 54%.

Cos datos manexados polo Consorcio de Turismo da Ribeira Sacra, sinalan que “as previsións son moito máis optimistas das recollidas nos dous últimos anos. Poderíamos interpretar que as reservas se fixeron en gran parte con maior antelación á de campañas anteriores, sendo Ribeira Sacra a primeira opción de destino dos usuarios turísticos”.

Para os datos finais sinalan desde o Consorcio que haberá que agardar a como queda a climatoloxía e a influenza na demanda final de aloxamento.

A Semana Santa amplíase en 8 comunidades que teñen o luns de Pascua como festivo, entre elas Cataluña, que é un dos principais emisores de demanda na Ribeira Sacra. Nas previsións do Consorcio de Turismo teñen para a noite do 21 ao 22 de abril, unha previsión de ocupación, a 10 de abril, do 75% nos hoteis de 3 e 4 estrelas; do 60% no Turismo Rural e do 30 % nos resto de aloxamentos.