As xornadas que comezan nesta fin de semana de Semana Santa prolongaranse ata novembro, celebrándose nas segundas quincenas de cada mes. Os restaurantes que se sumaron a esta campaña porán á disposición dos clientes pratos elaborados con distintos produtos de Lugo dacordo co seguinte calendario:

• Abril. 9 ao 28: Fabas de Lourenzá, Merluza do Pincho de Burela e do CRDO Queixo Arzúa-Ulloa.
• Maio. 17 ao 26: Ternera Gallega Suprema Raza Rubia Gallega, Grelos de Galicia e CRDO Queixo do Cebreiro.
• Xuño. 21 ao 30: Merluza do Pincho de Burela, Cordeiro de Raza Ovella Galega e Castañas de Galicia.
• Xullo. 19 ao 28: Bonito de Burela, Lacón Galego e Pementos de Mougán.
• Agosto. 16 ao 25: Bonito de Burela, Castañas de Galicia e Pementos de Mougán.
• Setembro. 20 ao 29 : Porco Celta, Grelos de Galicia, Patacas de Galicia e Mel de Galicia.
• Outubro. 18 ao 27: Fabas de Lourenzá, Ternera Gallega, Queixo do San Simón da Costa e Mel de Galicia
• Novembro. 15 ao 24: Raza Mos, Grelos de Galicia, Pataca de Galicia e Queixo de Tetilla.

Durante todas as xornadas, empregaranse viños da D.O. Ribeira Sacra, Galletas Daveiga, pan da provincia (AFAPÁN), e CR Augardentes e Licores Tradicionais de Galicia.