Sinistro con resultado de morte na LU-546 á altura de Oural

Sinalización de accidente. Foto: circulaseguro.com

Un home de 58 anos faleceu hoxe venres, 21 de xuño, nun accidente de tráfico rexistrado na estrada LU-546, que conecta Sarria e Monforte de Lemos.

Segundo informa o 112, o sinistro produciuse pasadas as 13:00 horas e nel víronse involucrados un coche e unha moto, á altura de Oural.

Ao lugar foron mobilizados unha ambulancia e o helicóptero medicalizado. Ademais, o suceso púxose en coñecemento de Garda Civil de Tráfico, Protección Civil de Sarria e bombeiros, que finalmente non tiveron que intervir para excarcerar ao home.

DEIXAR UN COMENTARIO

Please enter your comment!
Please enter your name here