Un profesor de música tradicional galega de Monforte foi detido pola Policía Nacional logo de ser denunciado por presuntos abusos sexuais.

Segundo informaron fontes policiais, o home foi detido este xoves despois dunha denuncia presentada esa mesma xornada por varias das vítimas. Os feitos remóntanse a bastantes anos atrás, cando as alumnas denunciantes eran menores de idade. Está previsto que o detido, que pasou a noite nos calabozos da Policía Nacional en Monforte, pase a disposición xudicial inmediatamente.

O profesor é moi coñecido no concello pois leva máis de 25 anos como docente e polas súa aula pasaron infinidade de nenos e nenas de Monforte e comarca.