Un presunto caso de morte súbita pode estar detrás da morte dun mozo de 18 anos que faleceu na madrugada deste xoves mentres xogaba un torneo de fútbol sala na Pobra de Brollón.

O rapaz, A.B., que era de Monforte, desplomouse no medio do campo sen que os servizos de urxencia puideran facer nada para reanimalo. Formaba parte do equipo Náufragos que se enfrontaba ao Vichocuntín. Tras o sucedido, o torneo quedou suspendido.

O mozo era moi coñecido na comarca, especilamente, en Monforte. De feito, os seus pais son profesores nesta localidade. Segundo as fontes consultadas, o seu corpo está sendo trasladado a Lugo para practicarlle a autopsia.