A Garda Civil identificou ao longo dos últimos tres días a tres condutores con taxas de alcolpenalmente sancionables. Un deles foi interceptado en Barreiros, o outro en Samos e no terceiro caso trátase dun motorista.
En Samos o condutor investigado é un varón de 24 anos, implicado nunha saída de vía sen feridos no quilómetro 29,500 da estrada LU-633(Pedrafita do Cebreiro–Palas de Rei), termo municipal de Samos. Ao estar implicado nun accidente de tráfico sometéuselle ao test, arroxando unha taxa de 0,65 mg/l.
A Garda Civil lembra que a condución dun vehículo de motor ou ciclomotor baixo a influencia de bebidas alcohólicas, e en todo caso cando se conduce cunha taxa de alcol en aire expirado superior a 0,60 miligramos por litro ou cunha taxa de alcol en sangue superior a 1,2 gramos por litro taxa xa detallada, constitúe un ilícito penal que pode carrexar penas de prisión de ata seis meses de duración.
