Un menor, de 13 anos de idade, faleceu este martes tras precipitarse desde un quinto piso no municipio de Sarria, en Lugo. Segundo fontes policiais, o incidente produciuse sobre as 15,48 horas, nun edificio da rúa de Matías López.
Ata o lugar desprazáronse efectivos da Policía Local, Policía Nacional e da Garda Civil, ademais de persoal sanitario, unha ambulancia asistencial e o helicóptero do 061.
A pesar dos esforzos por reanimalo, o menor faleceu no punto. O 112 tamén puxo a disposición dos familiares ao persoal do grupo de apoio psicolóxico. Polo momento, descoñécense as circunstancias que provocaron a caída, que serán investigadas polas forzas da orde.
