O martes 11 preto das 12 do mediodía, unha parella de Monforte foi detida no corredor que enlaza a cidade do Cabe con Lugo a altura do concello de Bóveda.

Aínda que nun primeiro momento todo apuntaba a que a presenza da Garda Civil era por mor dun accidente de tráfico, finalmente tratábase dun dispositivo especial para deter a estes dous veciños da localidade.

Durante o rexistro ó vehículo, os efectivos da benemérita atoparon 30 gramos de cocaína pura, motivo polo cal foron detidos de inmediato e conducidos ata Monforte.

Tras a súa detención, os axentes procederon a rexistrar o seu domicilio onde tamén atoparon varios gramos desta mesma sustancia estupefaciente ademais de material adicado para o seu corte.