Unha chamada ás 5.25 da madrugada do día 20 alertou dunha agresión na rúa Barrio de San Pedro en Sahagún, onde unha muller se encontraba ferida. A muller, de 43 anos e veciña de Monforte, foi trasladada ao Hospital de León onde foi atendida e a súa vida non corre perigo, ao non verse afectados órganos vitais.

O agresor, que confesou os feitos, foi detido pola Garda Civil. Trátase da exparella da muller, tamén de Monforte e traballador de Renfe. A parella residía en Sahagún desde hai 10 anos e ten unha filla en común.

O alcalde de Sahagún, Lisardo García, amosou a súa condena e repulsa ante este feito de violencia de xénero e anuncio que próximamente convocarase unha concentración de repulsa diante do concello.