HomeSucesosDescarrila un tren en Quiroga por un corremento de terra

Descarrila un tren en Quiroga por un corremento de terra

O tren Alvia que este venres realizaba o traxecto Barcelona - Vigo descarrilou á altura do concello de Quiroga por mor dun desprendemento de terra. Ningún dos 191 pasaxeiros que viaxaban no convoi resultou ferido. É o segundo tren afectado en menos dun día tras un incidente semellante que golpeou ao tren Barcelona-Madrid.

Publicado o

POR
Redacción
- Advertisement -

Pasadas as 21,00 horas, saíu da vía, segundo informa o 112, o primeiro eixo da primeira composición do tren. O servizo de emerxencias recibiu o aviso do descarrilamento a través de Adif. Segundo indicaba o seu persoal, os feitos sucederan entre San Clodio de Quiroga e Freixeiro, á altura do punto quilométrico 500 da N-120.

Con estes datos, o 112 requiriu a intervención do GES de Quiroga-Folgoso do Courel, das Agrupacións de Voluntarios de Protección Civil de Quiroga e de Ribas de Sil e dos axentes da Garda Civil, que colaboraron co persoal de seguridade de Adif no transbordo dos pasaxeiros a outro tren, procedente de Ponferrada, que levou á pasaxe ata a estación de San Clodio, onde esperaban varios autobuses para levar aos pasaxeiros aos seus destinos.

Please wait while you are redirected...or Click Here if you do not want to wait.

ÚLTIMAS

O Quiroga Trail Challenge ‘reinvéntase’

Despois dun agosto fatídico para parte das montañas do Concello de Quiroga por mor...

A Xunta resposta a Tomé sobre a acollida de migrantes no centro de Monforte: “Se demostrou ser solidario debería dar as grazas”

A conselleira de Política Social, Fabiola García, replicou ao alcalde de Monforte e presidente...

Monforte prepárase para o San Mateo

A mesa de seguridade para a celebración do San Mateo estableceu tamén a circulación...