A primeira hora da tarde do luns 8 de outubro declarouse un incendio no Concello de Pantón.

O lume, previsiblemente provocado, deu comezo na ladeira dos Canóns do Sil, en pleno corazón da Ribeira Sacra. A forte pendente da zona e a frondosidade dos piñeiros que alí se localizan, provocaron cas labores de extinción fosen moi complicadas.

Segundo puido saber este xornal, o lume de Pantón provocou que o tráfico viario estivera cortado durante as labores de extinción por seguridade. Debido a estes traballos, algunhas pedras de gran tamaño caeron ás vías do tren. A media tarde, e xa cas lapas controladas, volveuse restablecer o tráfico ferroviario. Nese intre, as máquinas que seguían traballando na zona provocaron un novo escorremento de pedras alcanzando a un tren que circulaba nese intre. Polo momento, sábese que un pasaxeiro do convoi resultou ferido.