O veciño de Monforte acusado de compartir pornografía infantil admite as descargas, pero nega que as distribuise

Un coche patrulla da Policía Nacional / GC

Un veciño de Monforte procesado por compartir pornografía infantil a través das redes admitiu que fixo descargas pero negou que tivese intencionalidade de distribuír, no marco do xuízo celebrado na Sección Segunda da Audiencia Provincial de Lugo.

O caso púxose en marcha despois de que a brigada de investigación tecnolóxica da comisaría xeral da Policía Nacional localizase en Internet arquivos “con material de contido inequívoco pornográfico infantil”.

Os axentes a cargo da investigación comprobaron que había polo menos unha persoa que estaba a realizar “a procura, descarga e compartición” destes arquivos a través dunha liña telefónica de Monforte.

A Fiscalía considera ao procesado responsable dun delito de corrupción de menores polo que pide unha condena de oito anos de cárcere e unha pena engadida de seis anos de liberdade vixiada.

Antes do xuízo, a avogada do acusado, María José González, avanzou que ía pedir a libre absolución ao interpretar que “do delito que está acusado non é un delito que cometese”.

“Acúsaselle dun delito de distribución polo mero uso das descargas a través do Emule, que utilizamos todo o mundo para descargar discografía ou películas. É moi distinto que o fagas para un consumo propio particular a que o fagas coa intención de distribuílo en ningún lado”, puntualizou.

DEIXAR UN COMENTARIO

Please enter your comment!
Please enter your name here