O helicóptero Pesca II acudiu este xoves ao rescate dunha muller que sufriu unha caída mentres realizaba a Ruta da Castaña no municipio lucense da Pobra do Brollón nun lugar de difícil acceso.

Precisamente, a chuvia e as condicións do terreo, rochoso e esvaradío impediron que os organizadores puideran atender á ferida. Por iso decidiron chamar ao 112 que, ante as dificultades de acceso ao lugar dunha ambulancia, enviou un helicóptero que evacuou á ferida con traumatismos nas costas e nun brazo ao Hospital de Ourense.

No operativo tamén participaron os servizos sanitarios de urxencia, dos membros do GES de Quiroga e dos Bombeiros de Monforte. Unha vez no lugar, solicitouse tamén a intervención dos rescatadores do Servizo de Gardacostas de Galicia, para realizar a evacuación da ferida por vía aérea.