Os servizos sociais do Concello de Monforte tiñan constancia da existencia de problemas, en concreto de berros e outras incidencias, no piso onde un home septuaxenario, e que padece unha enfermidade mental, convivía coa súa nai, nonaxenaria.
Así o ratificaron fontes municipais consultadas por Europa Press despois de que se tivese coñecemento de que este veciño da localidade conviviu unha semana co cadáver a súa nai.
Desde o consistorio precisaron que a principios deste ano os veciños trasladaron un escrito ao concello comunicando que se ouvían berros desde a vivenda, protagonizados polo fillo. “Tamén golpes con paraugas”, citaron.
Ademais, comunicaron que desde Servizos Sociais trasladáronse á casa pero que o home non lles deixou entrar, asegurando que a súa nai non estaba, a pesar de oirse a voz da mesma.
Por parte do citado departamento, engadiron, emitiuse un informe, que se trasladou a Fiscalía, sen que por parte desta tivesen ata a data algunha comunicación.
Na mesma liña apuntaron tamén que a familia non estaba censada no municipio nin tampouco estaban adscritas ao Servizo de Axuda no Fogar.
