Un home de 41 anos, con iniciais A.L.C. e veciño do Saviñao, perdeu a vida tras sufrir unha saída de vía co vehículo no que circulaba pola estrada LU-546, ao seu paso polo municipio lucense de Sarria. Segundo informou a Garda Civil, o sinistro produciuse ás 00.32 horas á altura do punto quilométrico 21,100 da LU-546 (Nadela-Monforte).

Ao ter coñecemento dos feitos a través dunha chamada e unha comunicación do sistema automático do propio vehículo, o 112 Galicia mobilizou ata o lugar aos profesionais do Servizo de Urxencias Sanitarias de Galicia-061, á Policía Local, á Garda Civil e aos Bombeiros de Sarria, que tiveron que liberar á vítima.