Un home de 73 anos faleceu tras unha saída de vía mentres circulaba co seu vehículo pola parroquia de Vilarmel, no Concello de Quiroga.

Segundo fontes do 112 Galicia, os feitos aconteceron despois de que un vehículo se precipitara dende a estrada LU-P-5001 por un terraplén ata uns 30 metros de desnivel. Coméntase nalgúns medios de comunicación que deron conta da nova, que o accidente tivo lugar xa o sábado, e non foi ata o domingo cando apareceu despois de que os compañeiros de caza o botaran en falta.

Ao lugar dos feitos personáronse Urxencias Sanitarias de Galicia 061, Bombeiros de Monforte, GES de Quiroga, Garda Civil e Protección Civil.