Dous vehículos chocaron e un terceiro saíuse da estrada este martes no municipio lucense de Sober por culpa dunha forte granizada. Segundo informaron fontes de emerxencias, o accidente tivo lugar ao redor das 15.15 horas, xunto cando caía unha forte granizada sobre a zona, concretamente no quilómetro 530 da N-120, en Canaval.

Ao lugar desprazáronse o 061, os Bombeiros de Monforte, a Garda Civil de Tráfico e Protección Civil.

SAÍDA DE VÍA EN RIOTORTO

Esta tarde, ás 15.40 horas, producíase outro accidente de tráfico, esta vez no municipio lucense de Riotorto. Alí unha muller saíase da vía entre os quilómetros 47 e 48 da N-640, ao seu paso pola Órrea. A muller saíu polo seu propio pé do vehículo, ilesa, e non necesitou asistencia sanitaria.