Un operario foi trasladado esta mañá ao levar un golpe na cabeza no balneario de Augas Santas, no termo municipal de Pantón. O 112 Galicia puxo a situación en coñecemento dos axentes da Garda Civil en canto tivo constancia dos feitos, ao fío das 9:35 horas, a través dos servizos sanitarios.

Debido á gravidade das feridas do traballador, os profesionais sanitarios mobilizaron ata o punto ao helicóptero medicalizado con base en Ourense, pero finalmente o ferido foi evacuado en ambulancia ao Hospital Comarcal de Monforte.